പുഴയ്ക്ക് പറയാനുള്ളത്

*പുഴയ്ക്ക് പറയാനുള്ളത്*

ഹേ മനുഷ്യാ!

നീയെത്ര ക്രൂരൻ,

ന്യൂജനായ നീയും

നീചനാവുകുയാണെല്ലോ.

ചുറ്റുമുള്ള വസന്തങ്ങളെ

നശിപ്പിച്ച്

മരുഭൂമി പോലെ യാക്കിയല്ലോ!.

നിങ്ങൾക്കു ജലസ്രോതസ്സിൻ

നിതാനമായത്

ഞാനാണെന്ന്

മറന്നുവോ!

ഉച്ചയൂണിന്  വിഭവമായത്

എൻ സന്താനമായിരുന്നത്

നീ 

മറന്നുവോ!

കണ്ണടച്ച് ഇരുട്ടാകുന്ന പോലെ,

ഇടതടവില്ലാതെ

പരിഭവം ഒന്നുമേ പറഞ്ഞിടാതെ,

ഞാൻ ഒഴികിടുന്നു.

ഉടമ അടിമയോട്

കൽപ്പിക്കുന്ന പോലെ, 

നിൻ കരങ്ങളാൽ

വീർപ്പുമുട്ടിയിരുന്നിട്ടും,

എന്നിട്ടുമീ പാവം ഒഴുകിയല്ലോ!,

ഇന്ന് ഇരുവശങ്ങളിലും

വസന്തങ്ങളില്ല,

കുഴിൽ നാദങ്ങൾ ശ്രവിച്ചിട്ട്  കാലമെത്രയായി,

എല്ലാം  തകർത്തു 

കളഞ്ഞല്ലോ മനുഷ്യാ....!

തുന്നിചേർക്കപ്പെട്ടതായിരുന്നു

എൻ ജീവിതം,

മലകളിൽ നിന്നൊഴുകി വരും തുള്ളികൾ പോലെ, മഴവെള്ളവുമായിരുന്നു

എൻ

ഒഴുക്കിൻ നിതാനം,

മനുഷ്യാ നിൻ ജീവിതത്തിൻ ഞാൻ

പച്ചപ്പ് ഏകിയത്

വിസ്മരിക്കരുതേ.....

നീയെത്ര ക്രൂരൻ

നീയെത്ര നീചൻ.

*ശാഫി വേളം*