സിറിയയിൽ
..............................
രചന:സിമി N മീരാൻ,കോതമംഗലം
.....................
പിന്നെയും ആർത്തനാദങ്ങൾ
പൊടുന്നനെ കേൾപ്പൂ ദീനദീനം
ഉള്ളുകീറിയ വിളിയൊച്ചകൾ
ആളുന്നൂ അഗ്നി ചുംബിച്ചോരുടലുകൾ
നീളേ ശരമാരികൾ
നോവിൻറെ പൊള്ളലിൽ വെന്ത
പൈതലാണു നീ സിറിയ
നിന്റെ കുഞ്ഞുങ്ങൾ എത്ര നോവുതിന്നു വീഴുന്നൂ
അമ്മേ പൊറുക്കുകീ കണ്ണീരിന്നഗ്നി പകതൻ
തീയിലെരിഞ്ഞുപോയ് സ്വപ്നങ്ങളാകെയും
ശേഷമിനിയില്ല
ഭാഗ്യമാകേയാരോ കവർന്ന
മണ്ണ് നീ സിറിയ
നിൻറെ നോവു പാടുകയാണു ഞാൻ
ഇന്നു വെന്തതീ കുഞ്ഞു നെഞ്ചിലെ പാടും പിറാവുകൾ
നിനക്കായി നൊന്തു പാടുകയാണു ഞാൻ
നിന്റെ നോവു പാടുകയാണു ഞാൻ
സിമി N മീരാൻ
കോതമംഗലം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ