മഴത്തുള്ളി വിരൾ നീട്ടി

മഴത്തുള്ളി വിരൾ നീട്ടി...

---------------------------------

രചന:അഡ്വ. സീമാ പ്രമോദ് ,ബാംഗ്ലൂർ

------------------------------

മഴത്തുള്ളി വിരൾ നീട്ടി എഴുതട്ടെയിനിയും  

മഹാകാവ്യമൊന്നീ മൃദു മേനിയിൽ - സഖീ 

മകരത്തിൻ കുളിരണിഞ്ഞടിമുടി തളിർത്തോരു 

മകരന്ദമായ് നീ പുണരുമ്പോൾ ഞാൻ  - വീണ്ടും (മഴത്തുള്ളി )

മൗനത്തിൻ വിലങ്ങിട്ടു നീ തളച്ചിട്ടൊരീ 

മോഹങ്ങൾ പൂക്കാൻ ചില്ലതേടവേ - സഖീ 

മോഹനമനുരാഗ പൂന്തേൻ നുകരുവാൻ 

 മറ്റൊരു ശലഭമായ് മനം പറന്നു - വീണ്ടും (മഴത്തുള്ളി )

മഞ്ഞിൻ പുതപ്പായ്നീ പൊതിയുമ്പോൾ  

മഞ്ഞണി പുലരിയോ പൂമഴയായി - സഖീ 

മഞ്ജിമ നീ കളശിഞ്ജിതമോടെന്നിൽ 

മഞ്ജുഹാസമായ് നിറയുമ്പോൾ - വീണ്ടും (മഴത്തുള്ളി )   

അഡ്വ. സീമാ പ്രമോദ് 

ബാംഗ്ലൂർ