പടിയിറക്കം

പടിയിറക്കം

____________

രചന:Rabeeha shabeer

..........................................

എന്റെ സ്വപ്‌നങ്ങൾ തന്നെ,

ഞാൻ തന്നെ നട്ടുനനയ്ക്കുന്നതാണ്.

പക്ഷെ,

അതിൽ വിരിയാൻ വെമ്പുന്ന 

മൊട്ടുകളെ പിഴുതെറിയുന്നതും 

ഞാൻ തന്നെയാണ്.

തളിരുകൾ കിളിർക്കുമ്പോൾ 

ഹർഷം അലയടിക്കുമെങ്കിലും

ആ തളിരുകൾ വിടരുന്നതെന്റെ

സ്വപ്നങ്ങളിൽ മാത്രമാണ്.

വസന്തം, 

അതെന്നിൽ മരണപ്പെട്ടു;

ഉയിർത്തെഴുന്നേൽക്കാനാവാത്ത വിധം.

കൊഴിഞ്ഞ ഇലകളും തളിരിട്ട 

മോഹങ്ങളും ചീഞ്ഞളിഞ്ഞു.

ദുർഗന്ധം, 

അതെനിക്കു മാത്രം.

തൊട്ടെടുക്കാനാവാത്ത വിധം 

വസന്തം മുന്നിലുണ്ട് ,

അത് നിന്റെയല്ലേ.

ഞാൻ അന്യയാണ്.

വിടവാങ്ങൽ അനിവാര്യമാണ്.

വിലാപങ്ങൾ, അതെന്റെയാണ്!

Rabeeha shabeer

Paruvingal (H)

Purathur (po)

676102 (pin)