തുലാവർഷ കാമുകി
-------------------------------
രചന:വിനു ഗിരീഷ്
-------------------------------
തുലാവർഷ രാത്രികളിൽ പാലപ്പൂ -
വിൻ ഗന്ധമായി വന്നവൾ
സ്വപ്നലോക കവാടം കടത്തി
സ്വപ്നലോകം കാണിച്ച് തന്നവൾ,
ഇരുളിന്റെ വീചിയിലിടറാതെ
കൈകൾ കോർത്തിടുമ്പോളറിയു -
ന്നു ഞാനിതാ പ്രണയ സ്പർശം,
ഓർമ്മതൻ മാറിടത്തിലേക്ക് ലയിക്കു-
ന്ന നേരമത് മരണമെന്നുള്ളതൊരു-
മൂടുപടമാകുന്നു പിന്നെയും,
മരണത്തിനുമപ്പുറം ആർദ്രമാം പ്രണയ-
ത്തിനൊരു സ്ഥാനമുണ്ടന്ന് കാണിച്ച് തന്നവൾ,
കാവുകളിലും കൽപടവുകളിലും സ്നേഹത്തിൻ
മുഖങ്ങളായി നാം നടന്ന വീചികളിൽ പിന്നീട്,
പാലപ്പൂക്കൾ വിടർന്നതും പിന്നെ,
പാലപ്പൂവിൻ ഗന്ധമത് പ്രണയത്തിൻ,
ഗന്ധമായി മാറിയതുമറിയുന്നു ഞാൻ
പ്രിയ സഖി നിന്റെ കൈകൾക്കിന്ന് തണുപ്പേറു-
ന്നുവെങ്കിലും ഓർമ്മകൾ തൻ ചൂടിലത്,
നിഷ്പ്രമമാകുന്നത് ഞാനറിയുന്നു
നിലാവിന്റെ വെള്ളിവെളിച്ചത്തിലവളെന്നെ,
മടിയിൽ കിടത്തി സ്നേഹാദുരമായി ഓർമ്മ-
കൾ തൻ ചുരുൾ അഴിക്കുന്നു,
നീയാണ് സർവ്വസ്വം,നീയാണ് ജീവനെന്നോതി,
തണുത്ത കൈകളാൽ അവളെന്നെ തലോടി.
ഇനിയുമീ ഓർമ്മകൾക്ക് കൈയ്യ്പ്പില്ല സഖി,,
ഈ രാവിനിയുമണയാതിരിക്കട്ടെ,
ആ സൂര്യദീപമിനി തെളിയാതിരിക്കട്ടെ,
വിറയാർന്ന കൈകളിൽ ഓർമ്മകൾ തൻ
ചൂടെൽക്കുമ്പോളറിയാതെ പൊഴിയുന്നു
ചുടുകണ്ണീർ,
പ്രണയത്തിൻ പുതു മുഖങ്ങളാണ് നാം,
പ്രണയത്തിൻ പുതു ഭാവങ്ങളാണ് നാം,
ഇനിയുമൊരു ജന്മമുണ്ടങ്കിലത് മനുഷ്യ ജന്മ-
മാകാതിരിക്കട്ടെ,
മർത്ത്യ ജന്മത്തിലല്ലേ ജാതിമത ഭേതങ്ങൾ സഖി,
സഖാക്കൾ നമ്മൾ മതമില്ല നമ്മുക്കെന്ന് പറഞ്ഞതും നീ,
അചന്മമാരെ ദിക്കരിക്കയില്ലന്ന് പറഞ്ഞതും നീ,
തുണയേകാമെന്നോതിയ വിപ്ലവത്തിൻ ചുടു -
നക്ഷത്രങ്ങൾ എവിടെ,
ആരാണ് ?, എന്താണ് ? സഖാവെന്ന് പഠിപ്പിച്ചവൾ,
ആയിരം ധീര രക്തസാക്ഷികളുടെ പ്രസ്ഥാനമിതിനെ
സ്നേഹിക്കുന്നു ഇന്ന് ഞാൻ.
ആയിരം പേർക്കിടയിലാണങ്കിലും,
സഖാവ്വേന്ന വിളിയിൽ അഭിമാനമോടെ,
കൈകൾ ഉയർത്തുന്നു ഞാൻ സഖി,
പ്രിയേ! നിന്റെ കൈകൾക്കു തണുപ്പേറുന്നു,
മരവിക്കുന്നിതാ എന്റെ കൈകൾ,
രാത്രിതൻ അന്തകാരത്തിലൂന്നി
നിശിയുടെ സൗന്ദര്യം കാണിച്ച് തന്നവൾ,
പിന്നീടതെ ഇരുളിൽ ലയിച്ച്
സ്വപ്നമായി മാറിയവൾ,
ഇരുളളിന്റെ വീചിയിൽ നഷ്ട്ടമായൊരു
പ്രണയ ദീപമാണവൾ,
അണഞ്ഞിട്ടുമണയാതെ നിൽക്കുന്ന,
ഓർമ്മകൾ തൻ ദീപമാണവൾ.
വിനു ഗിരീഷ്
ചെങ്ങഴശ്ശേരി ഇല്ലം
കോഴഞ്ചേരി പി.ഒ.
അച്ഛൻ -ധിക്കരിക്കുക -അന്ധകാരം
മറുപടിഇല്ലാതാക്കൂഅക്ഷരത്തെറ്റ് ശ്രദ്ധിക്കുക
മറുപടിഇല്ലാതാക്കൂതീർച്ചയായും നന്ദി
മറുപടിഇല്ലാതാക്കൂ