കൽക്കി

കൽക്കി 

---------------------

രചന:ശ്രീകുമാർ ആമ്പല്ലൂർ

------------------------

       

        എവിടെ.... നീ... എവിടെ...

നീ ... പിറന്നുവോ വളർന്നുവോ

ശത്രുസംഹാരാർജ്ജ വം നേടിയോ'......

അശ്വാരൂഢനായ് ...

നീ ...എന്ന് വരും

കലി നീ ...എന്നൊന്നുണ്ടെങ്കിൽ - പോരുകപോരുക

കലികാല കാഴ്ചകൾ കാണാം

ചതുർവേദം കവർന്നൊരു ദൈത്യ നെ വധിച്ചതും

പുത്രവധത്തിനൊരുങ്ങി മാധമന്റ മാറ് പിളർത്തിയതും

നേടിയ തൊന്നും തന്റേതല്ലന്ന് ബലിക്കു ബോധ്യമാക്കിയതും

നിൻ പൂർവ്വികരെങ്കിൽ

പോരുക .... പോരുക

     അധികാരത്തിനകം പൂകിയ ചോരർ ഖജാനകൾ ചോർത്തുവതും

ചോര കുഞ്ഞുങ്ങൾ തൻ ചുമലിലും ഭാരിച്ച കടപ്രമാണ ഭാണ്ഡങ്ങൾ എറ്റുവതും കാണാം

ജലാശയങ്ങൾക്ക് പാറാവിട്ട് കുടിനീര ഇന്ന് കുപ്പിയിലാക്കി

ഗംഗാജലമെന്ന് പേരിട്ട് വിശ്വാസങ്ങളെ വിൽപ്പതുകാണാം.

    തരുവളർത്തി തണലു തീർത്തവരെ

മണ്ണുമായ അവർക്കുള്ള ആത്മബന്ധത്തിൽ പൊക്കിൾകൊടിമുറിച്ചു മാറ്റി അധിനിവേശരെ കുടിയിരുത്തുവതു കാണാം

     അധർമ്മമാർഗ്ഗേ .ധനമേരു തീർപ്പവർ

തങ്കയോ ല യാൽ കോവിലുകൾ പൊതിഞ്ഞ് - വഴിപാട് ഫലകത്തിൽ തങ്കലിപിയാൽനാമം കൊത്തി ഞ്ഞളിഞ്ഞിരിപ്പതു കാണാം

    ഫലകത്തിനു താഴെ

അമ്പല വഴിയിൽ 

അന്യന്റെ ഔദാര്യത്തി നൂ ഊഴവും കാത്ത് ഇഴയുമേഴകളെയേറെ കാണാം..

  സ്വനിണത്തിൽ പിറന്ന കുരുന്നിനെ അപരർക്ക്

കാഴ്ച്ചവ ച്ചിട്ടുമ്മറപടിയിൽ കാവലാളാകും ശുനകഹൃദയരെയേറെ കാണാം.......