എന്റെ ക്യാംപസിലെ രാഷ്ട്രീയം; ഒരു ആശങ്ക..

എന്റെ ക്യാംപസിലെ രാഷ്ട്രീയം; ഒരു ആശങ്ക..

     —————————

രചന: ശ്രീനാഥ്

...................................

നാളെ ഞങ്ങളും വിടപറയും

ഞങ്ങളുടെ ബെഞ്ചിൽ പുതിയ-

പ്രസ്ഥാനങ്ങൾ സ്ഥാനംപിടിക്കും

ഞങ്ങൾ ഒരുമിച്ചിരുന്ന മരത്തണലിൽ

അവർ ജയ് വിളിക്കാൻ ഒത്തുക്കൂടും..

വായനശാലകൾ രഹസ്യ

തീരുമാനങ്ങൾക്ക് ചെവികൊടുക്കും..

ഓർമകൾ വിലസുനിടം

അവർ അവരുടേതാക്കിമാറ്റും,

ചിലപ്പോൾ ഭാഗംതിരിച്ച്

കമ്പിവേലികൾകെട്ടും

കൊടിമരങ്ങൾനാട്ടും

അവരുടേതെന്നവർ

അവകാശംമുഴക്കും..

വിദ്യ അഭ്യസിക്കാൻ മറന്ന്

അഭ്യാസങ്ങളെങ്ങും പെരുകും

വാക്കേറ്റങ്ങൾ നിറയും

രക്തക്കറകൾ മണ്ണിൽ

ചിത്രങ്ങൾ വരയും

അതുചരിത്രമെന്നവരലറും..

ബഹുവർണ്ണ പതാകകൾ

ഇവിടെങ്ങും പാറിപറക്കും..

കലാലയ ഓർമകളിൽ

ഇതുവരെ കാണാത്ത

പരിഷ്കാരങ്ങൾകണ്ട്

ഓർമകളും പടികയറി

ഇവിടെവരാൻ മടിക്കും..

അന്നിവിടം അർത്ഥശൂന്യമാകും..

സമൂഹം കുട്ടിനേതാക്കളുടെ

അങ്കംവെട്ടലിന്

സാക്ഷ്യംവഹിക്കും..!!