നിന്റെ മൌനം എന്നിലെ പ്രണയം ( ചിഞ്ചു അൽഫോൻസ്‌)

നിന്റെ മൌനം എന്നിലെ പ്രണയം ( ചിഞ്ചു അൽഫോൻസ്‌)

=================================

ഒരു പുഞ്ചിരിയോടെ പൂമെത്ത  വിരിച്ച 

നിലാവിന്റെ ചാരുതയിൽ ഞാൻ കണ്ടു ,

പ്രണയത്തിന്റെ തിളക്കം

ആരോടും പറയാതെ നീ കാത്തുവച്ച 

സ്വപ്നം നിറഞ്ഞ കഥകൾ 

മടി കൂടാതെ നിന്റെ കണ്ണുകൾ

എന്നോട് പറഞ്ഞപ്പോൾ  അവയിൽ ഞാനലിഞ്ഞു പോയി .

നമ്മൾ ഒന്നിച്ചു സ്വപ്നം കണ്ടിരുന്ന 

ആ സുന്ദര രാത്രി ഇന്നയിരുന്നോ..?

നനവുള്ള നിന്റെ കൈത്തലത്തിൽ 

എന്റെ കൈകൾ അമർന്നപ്പോൾ 

എന്റെ ഹൃതയം  മന്ത്രിച്ചു ;

നിന്റെ പ്രണയം ഞാൻ അറിയുന്നുവെന്ന്

എന്റെ ചുംബനമേറ്റ് കൂമ്പിയടഞ്ഞ നിന്റെ മിഴികൾ ,

നീയറിയാതെ  ഏതോ സ്വപ്നങ്ങൾക്ക് 

താരാട്ടു പാടിയപ്പോൾ ,

എന്നിലെ മൌനം അവയോടു പറഞ്ഞു 

ഞാൻ നിന്നെ...

അഗതമായി സ്നേഹിക്കുന്നുവെന്ന് ...

മഴത്തുള്ളികൾ ചിലങ്കകളണിഞ്ഞു

എന്റെ മാറിൽ നൃത്തം വച്ചപ്പോൾ 

ഞാൻ കൊതിച്ചു പോയി ,അറിയാതെ ...

അത് നിന്റെ ചുണ്ടുകളായിരുന്നുവെങ്കിലെന്നു

മഴയുടെ നനുത്ത ശബ്ദത്തോടൊപ്പം

എനിക്ക് പ്രണയ ഗീതം പാടാൻ ,

ഒന്നു കൂടിയുണ്ടായിരുന്നു ..

നിന്റെ ശ്വാസം ,

ഒരു പ്രത്യേക താളത്തിൽ സ്പന്ദിച്ച 

നിന്റെ ഹൃദയ സ്പന്ദനവും 

നിന്നോട് ചേർന്ന് 

നിന്റെ തോളിൽ മുഘമമർത്തി,

നിന്റെ കൈകൾ എന്റെ വിരലുകൾക്കു സ്വന്തമാക്കി 

മഞ്ഞു പുതച്ചു കിടക്കുന്ന ആ വഴിയിലൂടെ 

ഇനിയും നടക്കാൻ തോന്നി 

എങ്ങോട്ടെന്നറിയാതെ ...

എങ്ങോട്ടെന്നറിയാതെ ...