കിനാവിന്റെ നൊമ്പരം
_______________________
രചന :സുജ ശശികുമാർ
ചിറകറ്റ പക്ഷിയാണിന്നു ഞാനെങ്കിലും എൻ ചിറകായി മാറിയെന്നമ്മയെന്നും
പറക്കാൻ കൊതിക്കുന്ന പറവയെപോലെ ഞാൻ
ഓരോ കിനാവും കണ്ടു തീർത്തു.
ഓരോ കിനാവിലും എന്നമ്മ വന്നെന്റെ ചിറകായ് വെളിച്ചമായ്‌ കൂട്ടുനിന്നു.
പറക്കുവാനാവില്ല
ഇന്നെനിക്കെങ്കിലും പറന്നുയരുന്നു ഞാൻ കിനാവുകളിൽ.
ഉരിയാടാനാവില്ല ഇന്നെനിക്കെങ്കിലും എന്നുടെ ഭാഷയെന്നമ്മയത്രെ.
അമ്മയില്ലെന്നുള്ള സത്യമിന്നോർത്തു ഞാൻ
കണ്ണു നനഞ്ഞുപോയ് രാവുകളിൽ.
മാറോടു ചേർത്തമ്മ പുണരുന്ന നേരത്ത് ദുഃഖങ്ങളെല്ലാം അകന്നു നിൽക്കും.
കൈപിടിചോമനി ചമ്മയിതെങ്ങുപോയ്
എന്നെ തനിച്ചാക്കി പോയതല്ലെ.
ചിറകറ്റ പക്ഷിയാണിന്നു ഞാനെങ്കിലും എൻ ചിറകായി മാറിയെന്നമ്മയെന്നും...
(കവിതകൾ ബ്ലോഗിൽ ചേർക്കുന്നതിനായി whatsapp 9446479843)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ