ഗോളം

ഗോളം

————

ഉരുണ്ട ഭൂമിയിൽ

പരന്ന മനസ്സുമായി

നാം ജീവിക്കുകയാണ്.

കാലടിയിലെ മണ്ണ്  ഒലിച്ചു പോകുമ്പോഴും

ആകാശത്തിന്റെ അനന്തത കണ്ടു നാം

സ്വപ്നങ്ങൾ നെയ്തു കൂട്ടുന്നു.

ഒടുവിൽ,

തുരുമ്പെടുത്ത ഒരു വീണക്കമ്പി പോലെ

ആ സ്വപ്നങ്ങളുടെ ഓരോ നൂലിഴയും

പൊട്ടിത്തകർന്നു തീരുമ്പോൾ

നാം തീരിച്ചറിയും,

നമ്മുടെ മനസ്സും ഒരു ചെറിയ ഗോളമാണെന്ന്;

എല്ലാ ആശങ്കകളും, നിരാശകളും,

തീർത്താൽ തീരാത്ത മോഹങ്ങളും

വീർപ്പുമുട്ടുന്ന ഒരു

അടഞ്ഞ സ്ഫടികഗോളം.

-:Farsana Majeed K

https://www.facebook.com/angeluzdomini.farz