കവിത -
ഒരിക്കൽക്കൂടി
By Sajeev C Warrier
(Address: Bansuri
KSRA P5
Kalady
Karamana
Thiruvananthapuram 2
Ph:9496183910)
ഇനിയൊരു പൂ വിരിയുമ്പോൾ
ഉണരുകയി,ല്ലകമേളം
മീനോടും കണ്ണല്ല
തേനൂറും വാക്കല്ല
ചാട്ടുളിയാം നോക്കല്ല
കാൽവിരലിൻ വരയല്ല
നീൾമിഴിനീർക്കണമല്ല
പുരികക്കൊടി മിഴിവല്ല
പിന്നിയിടും മുടിയല്ല
തീ തിരളും സിരയല്ല
പൂങ്കുയിൽത്തേൻ സ്വരമല്ല
നിറമഴ തൻ കുളിരല്ല
വെൺചന്ദ്രപ്രഭയല്ല
വെന്തുരുകും മനമല്ല
പൂവിൽ തേനുറയുമ്പോൾ
നിലവിട്ടൊരു കൊതിയില്ല
പതിവില്ലാ വിറയില്ല
കരളുരുകും കനവില്ല
ചിന്തയിലൊരു ചിതയില്ല
ഇടവിട്ട കിതപ്പില്ല
പൂവിതൾ ആറാടുമ്പോൾ
ഇടനെഞ്ചു പിടയ്ക്കില്ല
തുടിയുണരും ശ്രുതിയില്ല
തുയിലുണരും നിനവില്ല
നിറമേളത്തിറയില്ല
പൂവിതളെപ്പുൽകുമ്പോൾ
ഇടിമിന്നൽപ്പിണറില്ല
സ്വയമലിവിൻ കടലില്ല
കനലിൻ പൂങ്കാടില്ല
മറവിൽ പോയ് മറയില്ല
മനമുരുകിയ ആദിമരാഗം
അതിലോലം നിറദീപ്തം
പുതു പൂവിൻ പുതയാട്ടം!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ