ചിലരിൽ ചിലർ
💦💦💦💦
രചന:സ്മിത സ്റ്റാൻലി
...................................
ചിലരെ നാം ഒരുപാട്
പഠിക്കേണ്ടിയിരിക്കുന്നു
നിഗൂഢമായ ചിന്തയും
അടഞ്ഞ വായുമായ്
അവർ പിടി കൊടുക്കാതെ
ഒളിഞ്ഞിരിക്കുന്നു
ചില നേരങ്ങളിൽ പക്ഷെ
അവർ പോലുമറിയാതെ അവരെ
കാലം തുറന്നു വയ്ക്കുന്നു
അവരുടെ സ്നേഹവും
ആർദ്രതയും ലോകം അറിയുന്നു ...
ചിലർ തുറന്ന വായ് മൂടുവാൻ
മറന്നു പോയ് ,പുലമ്പുന്നു
പലവിധം വിഴുപ്പലക്കുന്നു ,
തുറന്ന പുസ്തകം പോലെ
ആർക്കും എപ്പോഴും നോക്കാം
മനസ്സിൽ ഒന്നെങ്കിലും പുറമെ
വേറെ മൊഴിയും ചിലരിൽ ചിലർ
ഇവരെ നീ സൂക്ഷിക്കുക കാലമേ
അവസര വാദിയെങ്കിലുംഇവർ
നല്ലവൻ ചമഞ്ഞു കൂടെ കൂടും ...
സ്മിത സ്റ്റാൻലി ...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ